கன்னி மேரி தாயானாள்
காக்கும் கடவு ளவளானாள்
அன்னைக் கருணை அடையாளம்
அவளே அன்பின் வனமானாள்!
எல்லை தெய்வம் எல்லாமும்
இவளின் பின்னே வரிசையிலே
எல்லா தெய்வத்தின் முன்னிவள்தான்
இரக்கம் காட்டுதல் நிலவினிலே!
அண்டுவ ரெவரையும் அரவணைப்பாள்
ஆருயிர் காக்கத் துணையிருப்பாள்
தண்டுள மரத்தின் வேர்களுக்கும்
தானே தகுந்த நீரளிப்பாள்!
மண்ணுயிர் அனைத்தும் தன்னுயிராய்
மாதா தன்னில் தான்சுமப்பாள்
கண்ணில் கலந்த பேரொளியாள்
கலங்கரை விளக்கு மவளலவோ!
No Comment! Be the first one.