பாவியர்க்கும்பரிந்துருகும் தாயே -சுத்த ஆவியரைமடிசுமந்தாய் – நீயே

நீள்புவியில் நிலைகொண்ட தாயே-அந்த

நிறைகடலில் எழும் நிலவும் -நீயே…

வான்வெளியில் ஒளியான தாயே-அந்த

வளிச்சுழலின் மழைமுகிலும்- நீயே…!

அன்புமழை பொழிகின்ற தாயே-எங்கள்

அன்னைமடி ஆனவளும்- நீயே …

புன்னகையால் புவியாளும் தாயே-இந்தப்

புவனமெல்லாம் உன்வசமே- தாயே….!

பாவியர்க்கும்பரிந்துருகும் தாயே -சுத்த

ஆவியரைமடிசுமந்தாய் – நீயே …

மேவியநற் கருணை மரி தாயே-இந்த

மேதினியைக் காத்தருள்வாய்- நீயே …!

மாதருக்குள் மகத்துவமே தாயே – எங்கள்

மனங்களுக்குள் குடிபுகுந்தாய்- நீயே..

தீதறுக்கும் தீபச்சுடர் நீயே -எங்கள்

தேவனுக்கும் தெய்வத்தாய்- நீயே ….!

ஆனையூரான்